Í samband við íkomnu korona støðuna í Vágum, hevur Vága kommuna ráðført seg við Koronaráðgevingina. Frá í morgin, fríggjadagin 4. juni, hava vit valt at fara aftur til ta støðuna tá barnagarðsstovur verða deildar upp og har foreldur avlevera børnini uttanfyri. Somu tilmæli eru galdandi fyri frítíðarskúlan. Kunnað verður leypandi her á síðuni, um støðan broytist og um onnur tiltøk verða sett í verk í kommununi, til tess at fyribyrgja og minka um vandan fyri at korona smittan breiðir seg.

Sum til nokk longu hava fingið við, so verður Smílimíl 28/05-21. (Les meir um hvat Smílimíl er her)Her koma nakrir praktiskir upplýsingar um dagin:Dagurin byrjar klokkan 14.00 við forðarenning, á leið hálvanannan kilometur. Børnini renna ella ganga teinin saman við sínum foreldrum. Fyri at fyribyrgja fløskuhálsum á teininum, verða tit send avstað forskotið, við nøkrum minuttum ímillum. Tað er loyv at yvirhála, men bert um tit geva teimum tit yvirhála, nøkur upplyftandi orð við á vegnum. Tit vera nokk skitin og vát, tá tit eru liðug, so tað er nokk best at hava skiftiklæðir við. Børnini fáa eina tshirt og medalju, tá tey koma á mál.Klokkan 16 byrja vit at grilla, og tá eru tey sum byrja í skúla aftaná summarferiuna eisini boðin við. Vit gleða okkum at taka ímóti tykkum við einum stórum smíli til Smílimíl.

Í misjavna veðrinum hesa vikuna, hevur súkkluvika verið í Smílikulluni. Vanliga er súkkluvika tvær ferðir um árið, men vegna korona var súkkluvikan síðsta heyst avlýst, og hetta var sostattt tann fyrsta av sínum slag hetta skúlaárið.